करोनाच्या दुसऱ्या लाटेमुळे देशभरातून अनेक नकारात्मक आणि धक्कादायक बातम्या समोर येत असतानाच या संकटकाळामध्ये प्रेरणा देणाऱ्या आणि करोनाच्या लढाईमध्ये सामान्या लोकांकडून केल्या जाणाऱ्या काही असामान्य मदतीच्या बातम्याही समोर येत आहेत. अशीच एक बातमी गुजरातमधून समोर आली आहे. येथील एका वयस्कर दांपत्याने करोना कालावधीमध्ये करोना रुग्णांना मदत करण्यासाठी आपल्या बँकेच्या ठेवींमधील १५ लाख रुपयांची एफडी मोडली आहे. मागील वर्षी करोनामुळे एकुलता एक मुलगा गमावल्यानंतर या दांपत्याने इतर करोना रुग्णांना मदत करण्यासाठी पुढाकार घेतलाय. गुजरातमधील रसिक मेहता आणि कल्पना मेहता यांनी मागील वर्षी करोनामुळे आपला एकुलता एक मुलगा गमावला. त्यानंतर मेहता दांपत्याने आपल्या मुलाच्या भविष्यासाठी जमा केलेला पैसा करोना रुग्णांसाठी वापरण्याचा निर्णय घेतला. १५ लाखांची एफडी त्यांनी कालावधी पूर्ण होण्याआधीच मोडली. करोनाचा संसर्ग झाल्याने आर्थिक संकटात सापडलेल्या आणि मदत हव्या असणाऱ्या रुग्णांसाठी त्यांनी हे १५ लाख वापरले आहेत. "रसिक मेहता आणि कल्पना मेहता यांनी आपली १५ लाखांची एफडी मोडली. करोनामुळे त्यांचा मुलगा मागील वर्षी मरण पावला. त्याच्या भविष्यासाठी त्यांनी हा पैसा साठवला होता. आता तो पैसा ते करोना रुग्णांसाठी वापरत आहेत," असं नौशीन खान या महिलेने ट्विटरवर या दोघांचा फोटो शेअर करत म्हटलं आहे. हे लोकं खरे हिरो आहेत असंही नौशीनने म्हटलं आहे. Rasik Mehta & Kalpana Mehta a couple from #Gujarat breaks FD of Rs 15 lakh, saved for the future of their only son who they lost to covid last year, to help lives of other #COVID19 patients The unsung heroes! Massive respect!@ActorMadhavan @Iyervval @abhijitmajumder pic.twitter.com/k0amR2z2ip — Nausheen Khan (@DrNausheenKhan) April 27, 2021 आपल्या आयुष्यभराची कमाई करोना कालावधी वापरण्याचा मेहता दांपत्याचा निर्णय कौतुकास्पद आहे. त्यांनी क्वारंटाइनमध्ये असणाऱ्या २०० रुग्णांना आवश्यक गोष्टींचा समावेश असणारे किट्स वाटले आहेत. त्याचप्रमाणे त्यांनी ३५० जणांच्या लसीकरणाचीही सोय करुन दिलीय. इतकच नाही तर करोना रुग्णांची ने आण करण्यासाठी त्यांनी आपली कारही रुग्णवाहिकेप्रमाणे वापरण्यासाठी दिली आहे. Not only this, they've distributed kits & other materials to more than 200 #COVID19 patients in quarantine & also vaccinated more than 350 people at their own expenses. They've also given one of their cars as an ambulance #CovidWarriors #IndiaFightsCOVID19@thebetterindia — Nausheen Khan (@DrNausheenKhan) April 27, 2021 मेहता दांपत्यावर कौतुकाचा वर्षाव होतानाचे चित्र सोशल नेटवर्किंगवर दिसत आहे. १) अशा लोकांचा सन्मान केला पाहिजे Inspiring and someone who should be honoured by the country — Ashish Mehra (@mehra_ak) April 27, 2021 २) शब्दच नाहीत Words to praise them will reduce their effort — Prabhat Goel (@PrabhatGoel2) April 28, 2021 ३) त्यांच्या मुलाला अभिमान वाटेल Massive respect Uncle Aunty. Your son would have been so much proud today — Darshan (@dachushetty) April 27, 2021 ४) देवच Living God and Goddess. — Mani (@Mani69079248) April 27, 2021 ५) देशाला अभिमान आहे Great so great. Pride of Nation. — Hari Om Sharma (@hariom081) April 27, 2021 अनेकांनी या दोघांचे काम प्रेरणादायक असल्याचं सांगत अशा लोकांमुळे माणुसकीला अर्थ असल्याचं म्हटलं आहे.